“ပွင့်သောပန်းတိုင်း လန်းစေလို”

ရန်ကုန်မြို့ ဒဂုံမြို့နယ်အတွင်းရှိ အခန်းပေါင်း နှစ်ဆယ် ပါဝင်သည့် ခပ်လတ်လတ် ဟိုတယ်တခုထဲသို့ စုံတွဲတတွဲ ၀င်လာသည်။ ညနေ လေးနာရီဝန်းကျင်။ ဟိုတယ်အမည်ခံ အချိန်ပိုင်း အခန်းငှားသည့် တည်းခိုခန်းများရှိ ၀န်ထမ်းအားလုံး နားလည်ပြီးသားဖြစ်ပါသည်။ ဧည့်သည်ကို မျက်လုံးချင်း မဆုံစေရ။ လိုအပ်သည့် စကားသာပြောရမည်။ အကဲခတ်မကြည့်ရ။ ဧည့်သည်အကြောင်းကို အချင်းချင်း သော်လည်းကောင်း၊ အပြင်ကိုသော်လည်းကောင်း လုံးဝမပြောရ။

လက်ခံကောင်တာရှေ့ ရှိကြွေပြားများကို အ၀တ်တံမြက်စည်းနှင့် မတ်တတ်ရပ်ရင်း ပွတ်တိုက်နေသည့် မအိတာ၏ မြင်ကွင်းထဲသို့ ခြေထောက် ဖောင်းဖောင်းလေး တစုံဝင်လာသည်။ ခြေညှပ်ဖိနပ် ဖြူဖြူလေး စီးထားသည့် ခြေဖမိုးပေါ်မှာ ဘဲခေါင်းစိမ်းရောင် လုံချည် ပျော့လေး ပုံကျနေသည်။ ထိုမှတဆင့် သော့ချိတ်ကလေးများနှင့် အပြာရောင်ကျောပိုးအိတ်လေး။ စာအုပ်တချို့ကိုပိုက်ထား သည့် လက်ကလေးများ။ လက်မောင်းနှင့် ရင်ဘတ်မှာ တံဆိပ်တချို့တပ်ထားသည့် အင်္ကျီဖြူ ။

မအိတာ မလုပ်သင့်တာကို လုပ်လိုက်မိသည်။ ဧည့်သည်မိန်းကလေး၏ မျက်နှာကို ခပ်ရှန်းရှန်းကြည့်လိုက် သည်။ ပုခုံး မရောက် တရောက် ဖြောင့်စင်းစင်း ဆံပင်နက်ကလေး နှင့် မိန်းကလေးမှာ အသက် ဆယ့်ငါးနှစ်ထက် ပိုပုံမရ။ မအိတာသက်ပြင်းချလိုက်ရင်း ကြွေပြားများကိုသာ ခပ်ဖိဖိဆက်ပြီး တိုက်နေလိုက်သည်။

တနာရီခွဲခန့် ကြာသောအခါ ဧည့်သည်များထွက်သွားသည့် အခန်းကို ရှင်းရန် မန်နေဂျာ အစ်မက မအိတာကို ခေါ်ပြောသည်။ အခန်းထဲဝင်လိုက်တော့ ခုတင်ဘေးက စားပွဲပေါ်တွင် ပုံနှိပ်စာအုပ်တချို့ ရှိနေသည်။

၂၀၀၂ ခုနှစ်မှာ ဆယ်တန်းကျပြီး ကျောင်းထွက်ခဲ.ရသည့် မအိတာ Grade 10 ဆိုတာ ဆယ်တန်းလား၊ ကိုးတန်းလား မသိပေမယ့် အထဲက စာနှင့် ပုံများကြောင့် န၀မတန်း ဇီဝဗေဒ ဖတ်စာအုပ်မှန်းတော့ သိပါသည်။ အခန်းရှင်းပြီး ကျန်ခဲ့သည့် စာအုပ်ကို အပ်ရန် ယူလာစဉ် စောစောက အဖြူအစိမ်း ကောင်မလေး ကောင်တာမှာ ရပ်နေသည်ကို တွေ့ရသည်။

“သြော် အဲဒါ သမီးစာအုပ်တွေ မကြီး။ ရှင် ဟုတ်ကဲ့။ လေးအုပ်ပါ။ ယူသွားမယ်နော်။ ကျေးဇူးတင်ပါတယ် မကြီး။ ဘယ်လိုမှသဘော မထားပါနဲ့နော်။ သမီးလက်ဆောင်ပေးတာပါ”ဟု ဆိုပြီး မအိတာ လက်ထဲကို ကျပ် ၁၀၀၀ တန် တရွက် အတင်းထိုးထည့်ရင်း ပြော ပြောဆိုဆိုနှင့် ခပ်သုတ်သုတ် ပြန်ထွက် သွားသည်။

ဟိုတယ်နှင့် တည်းခိုခန်းများသို့ အချိန်ပိုင်းလာရောက်ကြသော စုံတွဲများတွင် အမျိုးသမီးငယ်များ၏ အသက်သည် ဆယ်ကျော်သက် ၀န်းကျင်များဖြစ်လာကြသည်ဟု သိရသည်။ သမီးရည်းစား အနေနှင့် လာသောစုံတွဲများဖြစ်စေ၊ အခကြေးငွေနှင့် ခေါ်လာ သော စုံတွဲများဖြစ်စေ မိန်းကလေးများသည် ခပ်ငယ်ငယ်သာ များသည်။

သမီးရည်းစားအနေနှင့် လာသည့် စုံတွဲများတွင်ပင် ယောက်ျားလေးက မိန်းကလေးထက် အတန်ငယ်အသက်ကြီးပုံရပြီး တခြား စုံ တွဲများသည်ကြည့်ရုံနှင့်ပင် အသက် သုံးဆယ်ထက် မနည်း ကွာဟကြောင်း သိနိုင်သည်ဟု တည်းခိုခန်း ၀န်ထမ်းများ၏ ပြောပြချက် အရ သိရသည်။

ဟိုတယ်သို့ တဦးတည်း ပုံမှန်လာသော အမျိုးသားများအတွက် အဖော်ရှာပေးရသော ဟိုတယ်ဝန်ထမ်း အမျိုးသားတဦးက“ကျနော် တို့နဲ့ ချိတ်ထားတဲ့ အထဲမှာ ခပ်ငယ်ငယ်လေးတွေတော့ ရှိပါတယ်။ ၁၆နှစ်ကတော့ အငယ်ဆုံးပဲ။သူတို့ဘာသာ ခေါ်လာတာ လေး တွေက ပိုတောင်ငယ်သေးတယ်။ အခုခေတ်က အသက်၂၀ကျော်ရင် အွတ်ပြီလေ(အရွယ်ဟိုင်းသွားခြင်းကို ဆိုလိုသည်)”ဟုပြော သည်။

လိင်အလုပ်သမ အဖြစ် လုပ်ကိုင်ကြသည့် အမျိုးသမီးငယ်အများစုသည် ဘီယာဆိုင်တွင် သီချင်းဆိုရင်း၊ ဆေးလိပ်နှင့် အရက် အရောင်းမြှင့်တင်ရေး ၀န်ထမ်းအဖြစ် လုပ်ကိုင်ရင်း၊ ကေတီဗီနှင့် အနှိပ်ခန်း စသည့် ယောက်ျားများနှင့် လက်ပွန်းတတီး ထိတွေ့ ဆက်ဆံရသည့် လုပ်ငန်းခွင်များမှတဆင့် ထိုလမ်းကြောင်းပေါ်သို့ အလွယ်တကူရောက်လာကြသည်ဟု ကာယကံရှင်နှင့် နီးစပ် သည့် အသိုင်းအ၀ိုင်း၏ ပြောပြချက်များအရ သိရသည်။

မိသားစု စီးပွားရေး အဆင်မပြေမှုကို မနိုင်ဝန်ထမ်းရခြင်းနှင့် အများနည်းတူ သုံးစွဲဝတ်စားချင်သည့် စိတ်ဆန္ဒတို့ သည် မိန်းကလေး ငယ် များအား ထိုလမ်းကြောင်းပေါ်ရောက်စေသည့် အကြောင်းများဖြစ်သည်။ အုပ်ထိန်းသူပေါ့လျော့ခြင်း၊ အသက်မပြည့်ခင် အိမ် ထောင်ပြုခြင်း၊ အိမ်ထောင်ပြိုကွဲခြင်း၊ မက်လုံးပေး စည်းရုံးသိမ်းသွင်း ခံရခြင်းများလည်း ပါဝင်သည်။

“သမီးက အရင်က မာဆတ်မှာ လုပ်တာ။ တနေ့လုံး ညောင်းချိထူပူနေအောင် နှိပ်မှ ကော်မရှင်က ဘယ်လောက်မှ ရတာ မဟုတ် ဘူး။ လုပ်ခါစကတော့ တော်တော်ရှက်တာ။ ဒါပေမယ့် ဧည့်သည်က အအေးထဲမှာ ဘာထည့်တိုက်လိုက်လဲ မသိဘူး။ အဲဒီတော့မှစိတ်ထဲမှာ ရဲသွားတာ။ မာဆတ်က မဟုတ်ဘဲ ပလိန်းကြီးလိုင်းဝင်သွားတဲ့ သူတွေလည်း ရှိပါတယ်။ ဒီလိုပဲပေါ့”ဟု ပြောပြသည့် အသက် ၁၆ နှစ်ခန့်ရှိ စနိုး ၏ ပုံစံက ပေါ့ပေါ့ပါးပါးပင်။

ပုံပန်းမကျသည့် ဆံပင်ကျဲကျဲ၊ ငယ်နုသည့်မျက်နှာနှင့် ဘာမှပြင်ဆင်ခြယ်သ ထားခြင်းမရှိသည့် မိညိုက စကပ်တိုတိုနှင့် ကားမှတ် တိုင်မှာ ထိုင်နေသည်။ တရပ်ကွက်တည်းနေ အမျိုးသမီးကြီးက သူ့အကြောင်းကို ဖောက်သည်ချသည်။

“ကလေးမလေးက သိပ်ကျပ်မပြည့်ဘူး။ သူ့အမေအသုံးမကျလို့ ဖြစ်ရတာ။ ရူးတူးပေါတောနဲ့ သူ့အကြောင်းတွေမေးရင် အကုန်ပြော တာ။ နိုင်ငံခြားသားကြီးက ချမ်းချမ်းစီးစီးကြီးမှာ ရေချိုးခိုင်းတာ။ ချမ်းလည်း ချိုးရတယ်တဲ့။ သူ့ ရွံလို့ နေမှာပေါ့။ ဖွံ့ဖွံ့ထွားထွားလည်း မဟုတ်ပါဘူး။ ငယ်ဂုဏ်လေးရှိလို့ ခေါ်ကြတာ”ဟု မိညို မကြားနိုင်လောက်သော်လည်း အမျိုးသမီးကြီးက အသံကို နှိမ့်ပြီး အနားကပ် ပြောသည်။

“အဘောရှင်းလည်း နှစ်ခါဖြစ်ဖူးတယ် လေ။ အဲဒါတောင် ကြာကြာ မနားလိုက်ရပါဘူး။ ပိုက်ဆံပြန်ရှာရတာပဲ။ သနားဖို့လည်း ကောင်း ပါတယ်”ဟု အမျိုးသမီးကြီးက ဆက်ပြောပြသည်။

လိင်အလုပ်သမ အဖြစ် အမြဲတစေ အသက်မွေးရန် မရည်ရွယ်ဘဲ တကြိမ် အစပြုလိုက်ရာမှ အစရှိနောင်နောင် ဆိုသကဲ့သို့ မထူးဇာတ် ခင်းကြရသည့် မိန်းကလေးငယ်တချို့လည်း ရှိသည်။

ထို မိန်းကလေးများသည် အကင်ရောင်းသည်။ တချို့က ဂေါက်ကွင်းတွင် ကယ်ရီလိုက်သည်။ တချို့က အရောင်းဝန်ထမ်း။ အရောင်းအ၀ယ်ပါးပြီး အကင်များ မကုန်သည့် ရက်များ ဆက်လာသောအခါ၊ ဂေါက်ကွင်း လူမလာ၍ လက်ဗလာနှင့် အိမ်ပြန်ရ သော အခါများတွင် သူတို့ အိမ်ပြန် နောက်ကျကြလေသည်။

သို့သော် အတန်အသင့် ပြည့်ဖောင်းသော ပိုက်ဆံအိတ်ငယ် ကိုယ်စီနှင့် ဖြစ်သည်။ ထိုငွေသည် သုံးလေးရက်စာ အိမ် အသုံး စရိတ် ပြေလည်စေပြီး ရံဖန်ရံခါ သဘောကျသည့် အ၀တ်ဆန်းကလေးများ ၀ယ်ရသည်ထက်တော့ ဘာမှ မပိုခဲ့ပါ။

“တညလုံး ရှာလာတဲ့ ပိုက်ဆံကို မနက်ကျတော့ အဆောင်မှာအတူတူနေတဲ့ ကောင်မလေးတွေနဲ့ ဖဲရှုံးသွားတဲ့ ရက်တွေလည်းရှိဖူး တယ်”ဟု လူသိများသည့် နာမည်ကြီး တံဆိပ် ဘီယာ အရောင်းမြှင့်တင်ရေး ၀န်ထမ်း ကောင်မလေး၏ ပြောစကားဖြစ်သည်။

အဌမတန်း အရွယ်မှာ အိမ်ထောင်ကျပြီး အလုပ်လက်မဲ့ ခင်ပွန်းဖြစ်သူနှင့် ပေါင်းသင်းနေသူ ချစ်ယု(အမည် အပြည့်အစုံမဟုတ်)၏ လက်ရှိ အလုပ်ခွင်က အနှိပ်ခန်းတခုတွင် ဖြစ်သည်။ အိမ်ထောင်သက် ၂ နှစ် ရှိပြီဖြစ်သည့် သူမကတော့ အလုပ်သွားတိုင်း လိုက်ပို့ လိုက်ကြို ပေးသော သူ့ထက် ၅ နှစ်ကြီးသည့် သူမ၏ အိမ်ဦးနတ်ကို ချစ်သည်ဟု ဆိုပါသည်။

အဆောင်ငှားခ ပေးရန် ပိုက်ဆံပြတ်လပ်ခိုက် သူငယ်ချင်းတယောက် အဆက်အသွယ်ဖြင့် ပထမဆုံး အတွေ့အကြုံကို ငွေကျပ် နှစ် သိန်း နှင့် လဲလှယ်ခဲ့သော တက္ကသိုလ် ဒုတိယနှစ် ကျောင်းသူတဦးလည်း ရှိကြောင်း ချစ်ယု၏ သူငယ်ချင်းကတဆင့် သိရသည်။

နယ်မှရန်ကုန်သို့ လာရောက်နေထိုင်အလုပ်လုပ်သူ မိန်းကလေးများသည် သာမာန်အသုံးစရိတ်အပြင် အဆောင်ငှားခနှင့် စားစရိတ် ပါ ပိုမိုကုန်ကျလေသည်။ ထို့သို့သော အထည်ချုပ် စက်ရုံ ၀န်ထမ်း မိန်းကလေးတချို့နှင့် လခစားဝန်ထမ်း မိန်းကလေးတချို့သည် အဖိုးနည်း ၀န်ပါ စပွန်ဆာပေးသူများနှင့် ပတ်သက်ရလေသည်။

အိမ်တဆောင် မီးတပြောင်မဟုတ်သော်လည်း အဆောင်ငှားခနှင့် စက်ရုံမှ တလစာနီးပါး ပိုက်ဆံတို့သည် အမြဲတမ်း မဟုတ်သည့် ရံဖန်ရံခါ လိုက်လျောမှုများနှင့် ထိုက်တန်ပါသည်ဟု ချုပ်ထည်ပါးလို့ ညည်းညူနေသည့် မိန်းကလေးငယ်တချို့က ခပ်ဆိုင်းဆိုင်းဖြေ သည်။

ဟိုတယ်သို့ လာသော ကောင်မလေးငယ်ငယ်လေးများကို တွေ့ရဖန် များလာသောအခါ အလုပ်ထွက်ချင်စိတ်ပင် ပေါက်သည်ဟု မအိတာက ပြောသည်။

ဧည့်သည် အ၀င်များလျှင် မုန့်ဖိုးပိုရသည်မှန်သော်လည်း ထိုမိန်းကလေးများ၏ ပိုက်ဆံကို သူမယူရက်တာ မှန်သောသစ္စာပါဟု ဆို သည်။ မအိတာ တခါတခါ တွေးမိတာက သူတို့ နောင်တချိန် လင်ကောင်းသားကောင်းမှ ရပါ့မလား။ အသက်ကငယ်တော့ အမှု အခင်းတွေများ ဖြစ်မလား၊ ကျန်းမာရေးကိစ္စတွေ ဘယ်လိုများဖြစ်မလဲ ဆိုတာပါတဲ့။

မအိတာက သူတို့ ဟိုတယ်အနောက် အပြင်ဘက်က ခုံတန်းမှာထိုင်ရင်း၊ တထောင် တန် အသစ်ကလေးကို ထုတ်ပြရင်း“ကျမ အိမ်မှာ မဟာစည် သာသနာ့ရိပ်သာ အတွက် ရည်စူးပြီး တနှစ်စာထည့်ရတဲ စုဘူး ရှိတယ်။ သူတို့ပေးတဲ့ မုန့်ဖိုး ရလာတိုင်း မသုံးဘူး။ စုဘူးထဲ ထည့်တယ်။ သူတို့ကတော့ ဒီဘ၀က ကျွတ်ချင်လား မကျွတ်ချင်လား မသိဘူး။ ကျမကတော့ ထည့်တိုင်း အသံ ထွက်ပြီး ဆုတောင်းတယ်။ နောင်ဘ၀မှာတောင် မဟုတ်ပါဘူး။ အခုဘ၀မှာတင် ဒီလိုမလုပ်စားရဘဲ အဆင်ပြေပါစေ။ ထီရင်လည်း ပေါက်ကြပါစေ။ ဘ၀ဆက်တိုင်း ဒီလိုအဖြစ်မျိုးနဲ့ ဝေးပါစေလို့”ဟု ပြောပြသွားပါသည်။ ။

စာကြွင်း။ ၊ Facebook သုံးရင်း https://www.facebook.com/sa.maung.5 ဆိုသူတင်ထားတဲ့အထက်ပါစာလေးကို ပြန်လည်ဝေမျှလိုခြင်းကြောင့် ကူးယူဖော်ပြလိုက်ပါတယ်။

၂၀၁၅ တွင် HIV ကူးစက်ခံရသူဦးရေ ၂ % တိုးလာဖွယ်ရှိဟု ပညာရှင်များ သုံးသပ်

၂၀၁၅ ခုနှစ်တွင် HIV ကူးစက်ခံနေရသူများမှာ ယခုနှစ်ကထက် ၂ % တိုးလာဖွယ် ရှိသည်ဟု  မေလ(၁၈)ရက်နေ့ မနက်(၁၀း၀၀)နာရီ City Star ဟိုတယ် ပြုလုပ်သည့် “တကယ်လို့များ” Music Concert စာနယ်ဇင်းရှင်းလင်း ပွဲက သိရှိရသည်။
မြန်မာနိုင်ငံတွင် HIV ပိုးရှိသူလူဦးရေမှာ ၂၀၀၈ ခုနှစ်တွင် နှစ်သိန်းသုံးသောင်းရှိရာမှ ၂၀၁၂ ခုနှစ်တွင် နှစ်သိန်း သုံးသောင်း   ခြောက်ထောင် ရှိလာခဲ့ပြီး၊ ၂၀၁၅ ခုနှစ်တွင် နှစ်သိန်းလေးသောင်းကျော်လာနိုင် ကြောင်းကို ဂရုဏာလရိပ်အဖွဲ ဥက္ကဌ ခွဲစိတ်ဆရာဝန် ဒေါက်တာတင်မျိုးဝင်းက ဆိုသည်။

“၂၀၀၈ ခုနှစ်မှာ ၂၃၀၀၀၀ ရှိရာကနေ ၂၀၁၅ ဆိုရင် ၂၄၀၀၀၀ ကျော်မဲ့အနေအထားမှာရှိနေပြီလို့ သုံးသပ် တဲ့လူတွေ ကပြောပါတယ်၊ ဒါတောင်စာရင်း မရှိဘဲ HIV ပိုး ရှိတဲ့ လူဘယ်နှစ်ယောက်တောင် ရှိနေဦးမလဲ မသိပါဘူး” ဟု အဆိုပါ ပုဂ္ဂိုလ်က ပြောသည်။

ယခုအချိန်တွင် HIV ပိုးကူးစက်ခံနေရသူများ တဖြည်းဖြည်းနှင့်များလာသော်လည်း ပြည်ပမှ ဆေးလှူနေသော အဖွဲ့များက  ဆေးဝါးပေးဝေမှု ရပ်တန့် လိုက်သောကြောင့် ပြည်တွင်းရှိ HIV ပိုးကူးစက်ခံနေရသူများ ဆေးပြတ်တောက်လျက်ရှိကြောင်း သိရသည်။

ပြည်တွင်းသို့ ဆေးပေးနေသော 3D fund နှင့် Global fund တို့က ရန်ပုံငွေအခက်အခဲကြောင့် မြန်မာပြည်တွင်း သို့ HIV   ကာကွယ်ဆေးပေးဝေမှုအား ဖြတ်တောက်လိုက်ခြင်းဖြစ်သည်။

ထိုကဲ့သို့ပြတ်တောက်မှုများကြောင့် ပြည်တွင်း၌ ဆေးလိုအပ်လျက်ရှိရာ NGO အဖွဲ့အစည်းတစ်ခုဖြစ်သော “ဂရုဏာလရိပ်”မှ   ပြည်တွင်း၌ အလှူငွေ ရှာရန်အတွက် “တကယ်လို့များ” Music Concert စာနယ်ဇင်း ရှင်းလင်းပွဲအား  ပြုလုပ်၍ ရန်ပုံငွေ ဂီတဖျော်ဖြေပွဲပြုလုပ်မည်ဖြစ်သည်။

HIV ကိစ္စရပ်များနှင့်ပတ်သက်၍ ဒေါက်တာစိုင်းမောက်ခမ်းက မေ(၁၇)တွင် အာရှနှင် ပစိဖိတ်ဒေသ HIV၊ AIDS ဆိုင်ရာ အထူးကိုယ်စားလှယ် Dr.Nafis Sadik ဦးဆောင်သော ကိုယ်စားလှယ်အဖွဲ့အား နေပြည်တော်ရှိ သမ္မတအိမ်တော် သံတမန်ဆောင် ဧည့်ခန်းမ၌ လက်ခံတွေ့ဆုံခဲ့ပြီး ထိုရောဂါများနှင့် ပတ်သက်၍သတင်း အချက်အလက် အပြန်အလှန်မျှဝေရေး၊ နည်းပညာကျွမ်းကျွင်မှု ဆိုင်ရာ အကူအညီများ ရရှိရေးနှင့် ကျန်းမာရေး ကဏ္ဍတွင် လိုအပ်သည့် ဥပဒေရေးရာဆိုင်ရာ   ပြင်ဆင်ဆောင်ရွက်မှု များအား   ဆွေးနွေးခဲ့ကြောင်းကို နိုင်ငံတော်သမ္မတ၀ဘ်ဆိုဒ် (www.president-office.gov.mm) တွင်ဖော်ပြထားသည်။

ကောင်းမြတ်ဖြိုး ( မြစ်မခ )
မြစ်မခ - ၂၀၁၅ တွင် HIV ကူးစက်ခံရသူဦးရေ ၂ % တိုးလာဖွယ်ရှိဟု ပညာရှင်များသုံးသပ်

HIV/AIDS လူနာများအတွက် အကူအညီလိုအပ်

 ရန်ကုန်မြို့က ဆင်ခြေဖုံးတွေမှာ အမျိုးသားဒီမိုကရေစီအဖွဲ့ချုပ်က ဖွင့်ထားတဲ့ အိပ်ခ်ျအိုင်ဗွီ /အေအိုင်ဒီအက်စ် ကူညီစောင့်ရှောက်ရေးဂေဟာတွေမှာ လာရောက်ခိုလှုံသူ လူနာအရေတွက်တွေ အလျင်အမြန် တိုးလာနေတာကြောင့် အခက်အခဲတွေ ကြုံနေရတယ်လို့ ဂေဟာတွေရဲ့ တာဝန်ခံ မဖြူဖြူသင်းက ပြောပါတယ်။
တောင်ဒဂုံ၊ မြောက်ဒဂုံ၊ တောင်ဥက္ကလာ တို့မှာ ဖွင့်ထားတဲ့ လူနာဂေဟာတွေမှာ တနှစ်ကျော် ကာလအတွင်း လူနာ အရေအတွက် ၃ ဆလောက် တိုးများလာတာကြောင့် သူတို့အတွက် ဆေးဝါး ရရှိရေး သာမက၊ နေထိုင်ရေးအတွက်ပါ အခက်အခဲ ရှိလာတယ်လို့ မဖြူဖြူသင်းက ပြောပါတယ်။

“လူနာအသစ်တွေကလည်း ပိုပိုပြီး များလာတယ်။ လူနာဦးရေနဲ့ နေစရာနေရာက အခက်အခဲ အရမ်းဖြစ်တယ်။ လွန်ခဲ့တဲ့ ၂၀၁၀ ၊ ဒေါ်အောင်ဆန်းစုကြည် ပြန်လည် လွတ်မြောက်လာတုန်းက လူနာတွေဆီကို လာပြီး အားပေးခဲ့တာ ရှိတယ်။ အဲ့တုန်းက ကျမတို့ အယောက် ၈၀ လောက်ကိုပဲ ကူညီပေးထားနိုင်ခဲ့တယ်။ အန်တီ လာသွားပြီး နောက်ပိုင်းမှာ မြန်မာပြည်ထဲက လူတော်တော်များများ သိလာကြတယ်။ သိလာပြီးတော့ ၂၀၁၁ မှာဆို လူ ၂၀၀ လောက် ဖြစ်သွားတယ်။ အခု ၂၀၁၂ လည်းကျေရာ ၃၀၀ ဖြစ်သွားတယ်။”

အမျိုးသားဒီမိုကရေစီအဖွဲ့ချုပ်ရဲ့ အိပ်ခ်ျအိုင်ဗွီ/အေအိုင်ဒီအက်စ်  ဝေဒနာသည်တွေအတွက် ကယ်ဆယ်ရေး အစီအစဉ်တွေကို လွန်ခဲ့တဲ့ ၁၀ နှစ်ကတည်းက စတင်ခဲ့တာပါ။ ဒီလူနာဂေဟာတွေကို လွန်ခဲ့တဲ့ နှစ်တွေ အတွင်းက အာဏာပိုင်တွေက ဖိအားမျိုးစုံပေးတာကြောင့် ၂၀၁၀ အထိ ၂၅ နေရာကို ပြောင်းရွှေ့ခဲ့ရတယ်လို့ မဖြူဖြူသင်းက ပြောပါတယ်။ ဒါပေမယ့် အဲဒီနှစ်တွေအတွင်းမှာပဲ တသီးပုဂ္ဂလ အလှူရှင်တွေ၊ အစိုးရမဟုတ်တဲ့ အဖွဲ့အစည်းတချို့ဆီက ရတဲ့ငွေကြးနဲ့  ဆေးဝါး အထောက်အပံ့နဲ့ အိပ်ခ်ျအိုင်ဗွီပိုးရှိတဲ့ လူနာပေါင်း ၅ သောင်းကျော်ကို ဆေးဝါး အကူအညီတွေ ပေးနိုင်ခဲ့တယ်လို့ ဆိုပါတယ်။
“လူနာအသစ်ရောက်လာပြီဆို ကျမတို့နေဖို့ အကူအညီပေးတယ်။ စားရေးသောက်ရေးအတွက် တာဝန်ယူပေးရတယ်။ နောက်တခုက ဆေးဝါးပေါ့။ အန်ဂျီအိုတွေဆီက ဆက်သွယ်ပြီး ရတာက ART ဆေးဝါးကို အဓိကထားပြီး ယူတာပေါ့။ တခြား တီဘီအပါအ၀င် တခြားဆေးဝါးတွေကို ပေးနိုင်အောင် ကြိုးစားထားတယ်။ နောက် တခါတလကျရင် ကျမတို့ဆီရောက်တဲ့ လူနာတွေက မိသားစုကလည်း စွန့်ပစ်လိုက်တယ်။ တချို့ဆိုရင်လည်း မိသားစုတွေ လိုက်မလာနိုင်တာများတယ်။ တယောက်တည်းသမားတွေများတယ်။ ဆေးရုံတင်မယ်ဆို ဆေးရုံတင်တဲ့ စရိတ်တွေကအစ တာဝန်ယူပေးရတယ်။

အခုနောက်ပိုင်းဆိုရင် ပြည်သူတွေက ဘယ်လောက်အထိ ခက်ခဲလာလဲဆိုရင် ဒီကိုရောက်ပြီးပြီဆိုရင် သူတို့မှာ ပြန်ဖို့လမ်းစရိတ်မရှိတော့ဘူး။ ကျန်းမာရေးကောင်းသွားပြီ ဆိုရင်လည်း ပြန်နိုင်ဖို့အင်အားမရှိတော့ဘူး။ တချို့လာချင်တယ်၊ ဆေးပြန်လာထုတ်ရမယ် ၃ လတကြိမ်လာဖို့ဆိုရင်လည်း သူတို့မှာ လမ်းစရိတ်မရှိတာတွေ ဘာတွေရှိတယ်။ အဲ့ကျ သူတို့ လှမ်းအကြောင်းကြားရင်လည်း တခါ သူတို့ကို ပြန်ခေါ်ယူရတာ မျိုးလည်းရှိတော့ ကျမတို့တတ်နိုင်သေလာက် လူနာတွေနဲ့ ပတ်သက်ပြီးတော့ အတတ်နိုင်ဆုံးတော့ စီစဉ်ပေးထားတာပေါ့။”

အခုနောက်ပိုင်းမှာ အာဏာပိုင်တွေဘက်က အရင်လို ဖိအားပေးတာတွေ မရှိတော့တာ တိုးတက်လာတယ်လို့ ဆိုနိုင်ပေမယ့် အစိုးရပိုင်းက အကူအညီပေးဖို့ လိုအပ်နေတယ်လို့ မဖြူဖြူသင်းက ပြောပါတယ်။

“အဓိကကေတာ့ အစိုးရပါမှ ဖြစ်မှာပါ။ တကယ့် တကယ် အန်ဂျီအိုတွေက လုပ်မယ်။ အကုန်လုံးလုပ်မယ်ဆိုရင်တောင်မှ၊ အန်ဂျီအိုတွေက သပ်သပ်လုပ်၊ အန်အယ်လ်ဒီတွေက သပ်သပ်လုပ်၊ သူ သပ်သပ်လုပ်ဆိုတဲ့ ပုံစံမျိုး မဟုတ်ဘဲနဲ့ အားလုံးပူးပေါင်းပြီး တနိုင်ငံလုံး အတိုင်းအတာနဲ့ ပညာပေးရေးအပိုင်းရော၊ ဆေးဝါးရရှိမှု အပိုင်းရော လုပ်ပေးနိုင်မယ်ဆိုမှ ဒါကို ထိန်းချုပ်လို့ ရမှာပါ။ တယောက်က လုပ်နေမယ်၊ တယောက်က ထိုင်နေမယ် ဆိုရင် မဖြစ်ပါဘူး။ အစိုးရပိုင်းကလည်း အလွန်ကို အရေးကြီးပါတယ်။ တကယ်ကို တက်တက်ကြွကြနဲ့ လုပ်လာမှပဲ၊ လုပ်လည်း လုပ်ရမယ်။ လုပ်နေတဲ့သူတွေကိုလည်း အားပေးမယ်ဆိုရင် ဒီရောဂါကို ထိန်းချုပ်သွား နိုင်မှာပါ။”

မြန်မာပြည်မှာ အစိုးရကိန်းဂဏန်းအရ ခုခံအားကျဆင်းမှု ကူးစက်ရောဂါ အိပ်ခ်ျအိုင်ဗွီ /အေအိုင်ဒီအက်စ် ပိုးရှိတဲ့ ဝေဒနာရှင် ၂ သိန်း ၄ သောင်းရှိနေပြီး၊ အဲဒီထဲက  တ၀က်လောက်ဟာ အရေးပေါ် ဆေးဝါး လိုအပ်နေတယ်လို့ ရန်ကုန်က ဆရာဝန်တွေကို ကိုးကားပြီး ဂါးဒီယန်းသတင်းမှာ ပြီးခဲ့တပတ်က ဖော်ပြထားပါတယ်။
၂၀၁၀ ခုနှစ်က ခန့်မှန်းခြေ အိပ်ခ်ျအိုင်ဗွီ/အေအိုင်ဒီအက်စ်  ဝေဒနာရှင်တွေထဲက  ၃ သောင်း လောက်ပဲ ART ဆေးဝါးကို ရကြတယ်လို့ ဆိုပါတယ်။ ဝေဒနာရှင် တယောက်အတွက် တလကို အမေရိကန်ဒေါ်လာ ၃၀ ခန့် (၃ သောင်း) ၀န်းကျင် ကုန်ကျမယ့် ART ဆေးဖိုးကို မြန်မာပြည်လို နိုင်ငံမှာ လူတိုင်းဝယ်နိုင်ဖို့ မဖြစ်နိုင်ဘူးလို့ နယ်ခြားမဲ့ ဆရာဝန်များအဖွဲ့ကို ကိုးကားပြီး သတင်းက ဆိုပါတယ်။
ဒီဗီဘီ – HIV/AIDS လူနာများအတွက် အကူအညီလိုအပ် 

HIV ပိုး ကူးစက်နေသူတွေကို ကူညီရေး သဘောတူ

 အိခ်ျအိုင်ဗွီပိုး ကူးစက်နေသူတွေကို ကူညီစောင့်ရှောက်ရေး အတွက် လုပ်ငန်ရှင် ၇ဝ ကျော်က သဘောတူ လက်မှတ်ရေးထိုးပွဲကို ရန်ကုန်မြို့က UMFCCI ကုန်သည်ကြီးများနဲ့ စက်မှုလက်မှု လုပ်ငန်းရှင်ကြီးများ အသင်းချုပ်မှာ သဘောတူ လက်မှတ်ရေးထိုးခဲ့ကြပါတယ်။

တနင်္လာနေ့က ပြုလုပ်ခဲ့တဲ့ ဒီလက်မှတ်ရေးထိုးပွဲဟာ မြန်မာနိုင်ငံ လုပ်ငန်းရှင်တွေရဲ့ ပထမဆုံး လူမှုရေး သဘောတူညီချက် တခုလည်း ဖြစ်ပါ တယ်။

ထုတ်လုပ်မှုလုပ်ငန်း၊ ဆောက်လုပ်ရေးလုပ်ငန်း၊ ကူးသန်းရောင်းဝယ်မှု လုပ်ငန်း၊ အပ်ချုပ် လုပ်ငန်း၊ အီလက်ထရောနစ် လုပ်ငန်း၊ ဟော်တယ်လုပ်ငန်းနဲ့ လေကြောင်းလိုင်းတွေ အပါအဝင် လုပ်ငန်းပေါင်းများစွာက လုပ်ငန်းရှင်ကြီးတွေ လာရောက်ပြီး ဒီသဘောတူ ညီချက်မှာ လက်မှတ်ရေးထိုးကြကြောင်းကို UMFCCI လုပ်ငန်းခွင် လူမှုရေး တာဝန်သိမှု ဆောင်ရွက်ရေး ကော်မတီ ဥက္ကဌ ဒေါ်ခိုင်ခိုင်နွယ်က ပြောပါတယ်။

လုပ်ငန်းခွင်မှာ အိခ်ျအိုင်ဗွီပိုး ကူးစက်ခံနေရသူတွေကို ခွဲခြားဆက်ဆံခြင်းမလုပ်ဘဲ၊ ကူညီစောင့်ရှောင့်မှုတွေ ပေးရမယ်ဆိုတဲ့ အချက်လည်း ဒီသဘောတူညီချက်ထဲမှာ ပါဝင်ပါတယ်။

တချို့လုပ်ငန်းတွေမှာ ဆိုရင် အိခ်ျအိုင်ဗွီပိုး ကူးစက်ခံနေရသူတွေ ရှိပေမယ်လို့ သူတို့ကို ခွဲခြားဆက်ဆံခြင်း မလုပ်ကြောင်း ဒေါ်ခိုင်ခိုင်နွယ်က ပြောပါတယ်။ သူတို့ကို အလုပ် ထုတ်ပစ်လိုက်တာမျိုးလည်း မလုပ်ဘူးလို့ သူက ဆက်ရှင်းပြပါတယ်။

အဲဒီလို အလုပ်သမားတွေကို ဆေးကုသခွင့်လည်းပေးမှာ ဖြစ်တဲ့အတွက် ကုလသမဂ္ဂ ကျန်းမာရေးအဖွဲ့အစည်းတွေနဲ့ ပူပေါင်းဆောင်ရွက်မှာ ဖြစ်ပြီး၊ ရန်ပုံငွေတရပ် ထူထောင်ဖို့လည်း အစီအစဉ်ရှိတယ်လို့ သိရပါတယ်။
BBC – HIV ပိုး ကူးစက်နေသူတွေကို ကူညီရေး သဘောတူ

ငါးဖယ်ဝက်သားလုံးကြော်၊ ပဲပင်ပေါက်သုပ်၊ ငါးခေါင်းနဲ့မုန်လာဥချဉ်ရည်

ဒီတစ်ကြိမ် ဆရာမလမင်းမိုမို ချက်ပြုတ်ပေးမယ့် ဟင်းအမယ်လေးတွေက တော်တော်စားလို့ကောင်းမယ့်ပုံပါပဲ။ ငါးဖယ်ခြစ်နဲ့ဝက်သား တောက်တောက်စဉ်းကို အလုံးလေးတွေလုပ်ကြော်၊ အအီပြေ ပဲပင်ပေါက်သုပ်၊ အရည်သောက်အဖြစ် ငါးခေါင်းကိုမုန်လာဥနဲ့ ချဉ်ရည် ချက်ထားတာလေ။

ငါးဖယ် ၀က်သားလုံးကြော်

လိုအပ်သော ပစ္စည်းများ

ငါးဖယ်ခြစ် ၂၀သား၊ ၀က်မိုးခိုသား ၂၅ကျပ်သား၊ ဆီ ၁၅ကျပ်သား၊ ကြက်သွန်ဖြူ ငါးမြွှာ၊ ချင်း လက်နှစ်ဆစ်ခန့်၊ ကြက်သားမှုန့် စားပွဲတင်ဇွန်း တစ်ဇွန်း၊ ပြောင်းကော်မှုန့် စားပွဲတင်ဇွန်း နှစ်ဇွန်း၊ ငရုတ်ကောင်းမှုန့်၊ ဆား၊ နနွင်းမှုန့် အနည်းငယ်စီ

ချက်ရန်ကြာမြင့်ချိန် မိနစ် ၂၀ခန့်

- ငါးဖယ်ကို ချင်းကြက်သွန်ဖြူတို့နဲ့ ဆားအနည်းငယ်ထည့်ပြီး ထောင်းထားပါ။ ၀က်သားကို တောက်တောက်စဉ်းပါ။ နှစ်မျိုးရောကာ ကြက်သားမှုန့်၊ဆား၊ငရုတ်ကောင်းမှုန့်၊နနွင်းမှုန့်၊ပြောင်းဖူးကော်မှုန့်တို့နဲ့ရောပြီး နှံ့အောင်နယ်ပါ။

- ၀က်သားကို မိုးခိုသားသုံးတာက ငါးဖယ်နဲ့အတူ ကျက်ချိန်ညီအောင် နုတဲ့အသားသုံးတာဖြစ်ပါတယ်။ အနေတော်အလုံးလေး တွေလုံးပြီးရင် ဆီအိုးပူအောင်တည်၊ မီးအနည်းငယ်လျှော့ပြီး ထည့်ကြော်လိုက်ရုံပါပဲ။ ထုထောင်း တောက်တောက်စဉ်းတာသာ အချိန်ကြာပြီး ကြော်ချိန်ကတော့ ခဏပါပဲ။ ပူပူနွေးနွေးစားမှ အရသာပိုရှိပါတယ်။

ငါးမုန်လာဥချဉ်ရည်

လိုအပ်သောပစ္စည်းများ

ငါးခေါင်းကြီးကြီး တစ်ခု (ငါးပတ်ခေါင်း၊ ငါးမြင်းခေါင်း၊ ငါးရံ့ခေါင်း သုံးသင့်ပါသည်။)၊ ဆီ သုံးကျပ်သား ကြက်သွန်နီ နှစ်ဥ၊ ကြက်သွန်ဖြူ သုံးမြွှာ၊ ငရုတ်ပွခြောက် သုံးတောင့်၊ စပါးလင် တစ်ပင်၊ မန်းကျည်းသီး စားပွဲတင်ဇွန်း တစ်ဇွန်း၊ မုန်လာဥ ဥကြီးကြီး အရွက်ပါ သုံးဥ၊ ရှမ်းနံနံ ၈-၁၀ရွက်ခန့်၊ ငါးပိစိမ်းစား လက်တစ်ဆစ်ခန့်၊ ပုစွန်ငံပြာရည် အနည်းငယ်၊ ဆား၊ နနွင်း၊ ဟင်းချိုမှုန့်၊ အရောင်တင်မှုန့် အနည်းငယ်စီ။

ချက်ရန်ကြာမြင့်ချိန် ၂၅-၃၀မိနစ်ခန့်

- မုန်လာဥကို အပေါ်ခွံခြစ်ပြီး စောင်းစောင်းလှီးပါ။ အစောင်းလှီးတာဟာ အ၀ိုင်းတည့်တည့်လှီးတာထက် ပိုအကျက်မြန်ပြီး နူးညံ့စေပါတယ်။

- ကြက်သွန် အဖြူ၊အနီ ငရုတ်ပွခြောက်တို့ကိုဆီသတ်ရန်အတွက် ညက်ညက်ထောင်းပါ။ ခဏနေလျှင် စပါးလင်ပါ ဆီသတ်တဲ့အထဲ ထည့်ပါ။ ဆီကောင်းကောင်းသေ၍ အနံ့မွှေးလျှင် ငါးခေါင်းထည့်ပါ။

- ငါးပိစိမ်းစားကို ရေဖျော်ထည့်ပါ။ မန်ကျည်းသီးရေဖျော်၍ အချဉ်ကိုအလိုရှိသလောက်မှန်းထည့်ပါ။ ငါးခေါင်းကို ထက်အောင်လှန်ပေးပြီး ကြာကြာထား ဖြည်းဖြည်းမွှေပါ။ ငါးခေါင်းစိမ်းစော်ပျောက်၍ ရနံ့မွှေးလာလျှင် မုန်လာဥ မုန်လာရွက်များထည့်၍လုံးပါ။

- မုန်လာဥချဉ်ရည် ချက်လျှင် အရွက်များပါထည့်ချက်ရန် အဟာရပညာရှင်များ အကြံပြုတာ ကြားဖူးပါတယ်။ တချို့ကတော့ အရွက် ထည့်လေ့မရှိကြပါ။ မုန်လာဥနူးလာတဲ့အထိ ရေကိုဇွန်းနဲ့ခပ်ကာ နည်းနည်းချင်းသာထည့်ရမှာပါ။ တစ်ခါတည်းရေရောလိုက်လျှင် မုန်လာဥစိမ်းစော်မပျောက်ပါဘူး။

- နူးပြီဆိုလျှင် ရေကိုကြိုက်သလောက် မှန်းထည့်ပါ။ ငံပြာရည်၊ဟင်းချိုမှုန့်ထည့်ပြီး အပေါ့အငန်မြည်းပါ။ ဟင်းရည်ပွက်ပွက်ဆူရင် ရှမ်းနံနံများအုပ်ပြီး ချဉ်ရည်အိုးချနိုင်ပါပြီ။

ပဲပင်ပေါက်သုပ်

လိုအပ်သောပစ္စည်းများ

ပဲပင်ပေါက် ၁၀သားခန့်၊ ဆီ(ကြက်သွန်နီတစ်ဥ ဆီချက်ချက်နိုင်ရုံ)၊ ကြက်သွန်နီ နှစ်ဥ၊ ငရုတ်သီးစိမ်း ၄-၅တောင့်၊ သံပရာသီး တစ်ခြမ်း၊ ပုစွန်ငံပြာရည် အနည်းငယ်၊ ဟင်းချိုမှုန့် အနည်းငယ်

ချက်ရန်ကြာမြင့်ချိန် ၁၀ မိနစ်

- ရေနွေးတစ်အိုးတည်ပြီး သန့်စင်ထားတဲ့ ပဲပင်ပေါက်များကို ခဏလေးဖြောပေးပါ။ ပျော့ပြီး နွမ်းမသွားပါစေနဲ့။ ကြက်သွန်နီတစ်ဥကို ပါးပါးလှီး ဆီချက်ချက်ပြီး ကျန်တစ်ဥကို ပါးပါးလှီး ဒီအတိုင်းထည့်ပါမယ်။ ငရုတ်သီးစိမ်း ပါးပါးလှီးပြီး အားလုံးရောပေါင်းထည့်ကာ ခပ်ဖွဖွနယ်သုပ်လိုက်ရုံပါပဲ။

- ပုစွန်ခြောက်မှုန့်ထည့်ရင် အရသာပိုရှိပြီး ငံပြာရည်အစား ဆားနဲ့သုပ်ရင်တော့ သတ်သတ်လွတ်ဟင်းပွဲ ရိုးရိုးလေးအဖြစ်လည်း သုံးဆောင်နိုင်ပါတယ်။

Credit: The Chic Magazine No.18 April 2012

WordPress နဲ့ Blog တစ်ခုတည်ဆောက်ခြင်း

Blog တွေခေတ်စားနေခဲ့တာတော့ကြာပါပြီ။ Blog တည်ဆောက်ချင်သူတွေအတွက် ဖော်ပြလိုက်ပါတယ်။

WordPress မှာ Blog (Free) တစ်ခု တည်ဆောက်ဖို့အတွက် ပထမဆုံး WordPress.com ကိုသွားပါ။

Sign Up လုပ်ရန် -

(၁) Get Started Here ဆိုတဲ့ Button အောက်က Sign Up ဆိုတဲ့  Link ကိုနှိပ်ပါ။

(၂) Username နေရာမှာ ကိုယ်ပေးချင်တဲ့ နာမည်ကိုပေးပါ။ (Login ၀င်သည့်အခါ သုံးရမည့်နာမည်ဖြစ်သည်။)

(၃) Password နေရာမှာ ကိုယ်ပေးချင်တဲ့ password ကိုပေးပါ။( Login ၀င်သည့်အခါ သုံးရမည့် password ဖြစ်သည်။)

(၄) Confirm နေရာမှာ အပေါ်မှာပေးခဲ့တဲ့ Password နဲ့တူအောင် ရိုက်ထည့်ပေးပါ။

(၅) Email address နေရာမှာတော့ ကိုယ့်ရဲ့ Email ကိုရိုက်ထည့်ပါ။ Email ပေးတဲ့အခါ အပြည့်အစုံထည့်ပေးပါ။ ဥပမာ - anzartone@gmail.com

(၆) ပြီးရင် Check box လေးကို အမှန်ခြစ်ရင်ခြစ်ပါ။

(၇) Sign Up ဆိုတဲ့ ၀ါကြန့်ကြန့် Button ကြီးကိုနှိပ်ပါ။

(၈) ကိုယ့်ရဲ့ Email ကိုဖွင့်ပြီး WordPress ကပို့လိုက်တဲ့ Activate Email ကိုဖွင့်ရပါမယ်။

(၉) ဖွင့်ပြီးရင် Email ထဲက Activate Account ဆိုတာကို နှိပ်လိုက်ပါ။

(၁၀) WordPress ပွင့်လာပါလိမ့်မယ်။ WordPress ရဲ့ညာဘက်အပေါ်ထောင့်နားမှာရှိတဲ့ ကိုယ့်ရဲ့နာမည်ပေါ်ကို Mouse တင်လိုက်ပါ။ Box တစ်ခုပေါ်လာပါလိမ့်မယ်။

(၁၁) အဲဒီထဲကမှ Register a Blog ကိုနှိပ်ပါ။

(၁၂) Blog Address ရဲ့အောက်က Box ထဲမှာ ကိုယ်ပေးချင်တဲ့ Blog Address အမည်ကိုပေးပါ။ နာမည်ကို WordPress က Checking လုပ်ပြီးရှိပြီးသားနဲ့ မရတဲ့နာမည်တွေဆိုရင် အနီရောင်Button ကြီးပေါ်လာပြီး ပြပါတယ်။ အဲဒီအခါ နာမည်ကို ပြန်ပြင်ပြီး ပေးရပါမယ်။

(၁၃) ပြီးရင် Name Your Blog ရဲ့အောက်က Box ထဲမှာ My Blog ဆိုတဲ့စာကိုတွေ့ရပါလိမ့်မယ်။ အဲဒီ Mg Blog ကို ဖျက်ပြီး ကိုယ်ပေးချင်တဲ့နာမည်ကို ပေးပါ။ My Blog ကိုမဖျက်လည်း ဘာမှမဖြစ်ပါဘူး။

(၁၄) ပြီးရင် အောက်ဆုံးထိသွားပြီး Create Blog ဆိုတဲ့ ၀ါကြန့်ကြန့် Burton ကိုနှိပ်လိုက်ပါ။

(၁၅) name.wordpress.com is yours ဆိုပြီး ပေါ်လာရင်တော့ ပြီးသွားပါပြီ အဲဒီစာအောက်က Visit your Dashboard ကိုနှိပ်ပြီး Post တွေတင်နိုင်ပါပြီ။

Ref: http://mandalaygazette.com

အမေ

အမေဟာ မင်းသမီးတစ်ယောက်လို ရုပ်မလှပါဘူး

ဒါပေမဲ့ အမေ့နှလုံးသား ပြိုင်သူမဲ့အောင် လှနိုင်ရက်လွန်းတယ်။

အမေ

အမေဟာ သံတမန်တစ်ယောက်လို အပြောမချိုပါဘူး

ဒါပေမဲ့ အမေ့စေတနာ အနှိုင်းမဲ့အောင် ချိုမြလွန်းပါတယ်။

အမေ

အမေဟာ တိုက်ပွဲဝင်နေတဲ့ သူရဲကောင်းတစ်ယောက် မဟုတ်ပါဘူး

ဒါပေမဲ့ အမေ့ အကာအကွယ်ဟာ မဟာရံတံတိုင်းကြီးထက် လုံခြုံလွန်းလှတယ်။

အမေ

အမေဟာ မြစ်တစ်စင်း မဟုတ်ပါဘူး

ဒါပေမဲ့ အမေ့မေတ္တာဟာ မရပ်တန့်စတမ်း တစ်သွင်သွင် စီးလျက်ပါ။

အမေ

အမေဟာ သစ်ပင်တစ်ပင် မဟုတ်ပါဘူး

ဒါပေမဲ့ အမေ့အရိပ်အာဝါသဟာ သမီးတစ်သက်စာ အရိပ်ရ အေးမြလွန်းပါတယ်။

သမီးအတွက်တော့

အမေနေ့ဆိုတာ နေ့တိုင်းပါ အမေ။

အမေ့ကို သိပ်ချစ်ပါတယ် အမေ။

လွန်းထားထား (အမေများနေ့အမှတ်တရ)